Алсын хөхрөгч уулнаа...

     Тэрээр "Төсөөллийн өрөөнд" шилмэл, шинэ шүлгийн түүврээ гаргасан билээ. Энэ ном нь түүний яруу найргийн төрлөөр гаргасан 6 дахь ном нь байх гэж санаж байна.      Шинэ номноос таалагдсан шүлгээ оруулав. Ээж нь чамдаа өв болгон үлдээх ганцхан зүйл бий Энэ бол чиний минийх шиг халуун зүрх ***              ***
"Л.Өлзийтөгсийн шинэ номноос..." цааш унших »

Хайрт минь Орчлон өвөлд бэлтгээд Одод гэрлээ татаад л Сар хүртэл инээхээ болиод Модод дуугаа хурааж Шөнийн шувуудын нислэг ч Сэтгэлд хүрэхээ больж байна Энд өвөл болж байна Гэвч
"Хавраараа байна..." цааш унших »

Хайрт минь

Орчлон өвөлд бэлтгээд

Одод гэрлээ татаад л

Сар хүртэл инээхээ болиод

Модод дуугаа хурааж

Шөнийн шувуудын нислэг ч

Сэтгэлд хүрэхээ больж байна

Энд өвөл болж байна

"Тэнд хавраараа байгаа..." цааш унших »

Хайрлачихаад Хариу нэхдэггүй хонгор минь Хамгийн намуухан шөнийг ч Надгүй үдчихээд Хачин гүн санаа алдалтад минь
"Хариу нэхдэггүй хонгор минь..." цааш унших »

Өөрийнхөө тухай шүлэг бичээд Бичсэн цаасаа жижиглэж ураад Урсан цаасаа амандаа хийлээ Би амтагдахгүй байлаа
"Үнэнийг бичиж чадахгүй..." цааш унших »

Өглөөнийн нар аниргүйхэн мандаж байна. Би өглөөд хайртай, ганц би биш ер хүн бүхэн шинэ өглөөд хайртай байдаг гэж би боддог. Амьдрал нэгэн хэмнэлээр үргэлжилж, сайн муу, сайхан муухай хосолсоор эх дэлхийнхээ тэнүүн элгэн дээр хүн төрөлхтөн аж төрсөөр... Харин би чухам бид хаанаас ирж, юуны төлөө амьдран бас хаашаа явж одох тухай хуучны бодолдоо дарагдан энэ өглөөг угтлаа.

Бодох тусам бодол төрөх юм... Би хаанаас эхтэй вэ? Намайг хэн энэ дэлхийд хүн болгож төрүүлж өсгөсөн билээ? Миний амины эхлэл юу билээ? Тиймээ энэ бол миний "аав ээж" хоёр маань. Чухамдаа энэ хоёр маань байхгүй байсан бол "би" гэж байхгүй. Миний амьдралын эхнээс одоог хүртэл надад нөлөөлж, нөмөрлөж, өмгөөлж, хамгаалж ирсэн миний хоёр буурал. Бодох төдийд л уйлмаар санагдаж, би том хүн болсон гэх бардамнал маань хормын зуурт алга болж тэр хоёртоо нялх багынхаараа эрхэлмээр санагдах юм. Та надаас чиний амьдралд хэн хамгийн их нөлөөлсөн бэ гэж асуувал би яах аргагүй аав, ээж хоёр маань гэж хариулна.
"Миний амьдралд хамгийн их нөлөөлсөн хүн" цааш унших »

Эргэнэ, эргэнэ Эргээд л ирнэ Энэ л бодол Эндээ л орооцолдоно Нээрээ өчигдөрт би байлуу?
"Нэг цэг дээр" цааш унших »

Намайг үхчихвэл Хэрвээ би үхчихвэл Хэцүү байгаа дотрыг чинь Онгойлгохоор очноо...   Намайг үхчихвэл битгий зул асаагаарай ээжээ! Харин тэр шар тосоо, надад хийж өгдөг сайхан аагтай цайндаа самраад аавтай хуваагаад уучихаарай. Хүү нь үнэрийг нь мартахгүй ээ. (санаа алдав) Бас битгий уйлаарай! (уйлна гэдгийг нь мэдэж байна л даа) Гэхдээ л ингэж захимаар байна. Бас түүнийг минь ирэхээр миний өмнөөс хайртай гэж хэлээд үнсээд явуулаарай.   Хайрт минь, намайг үхчихвэл ээж аав хоёр дээр нэг очоорой, бас намайг ээж аав хоёртоо хайртай гэж хэлээрэй. Тэгээд цааш нь юуг ч чамдаа захиж чадахгүй нь. Бүхнийг хүссэнээрээ л хийгээрэй. (миний араас хурдан ирэх, өөрийгөө зовоохоос бусдыг) Мэдээж би үхчихвэл надтай холбоотой бүхэн нээлттэй бас хаалттай болно шүү дээ.
"Намайг үхчихвэл" цааш унших »

Амрагийн харцаар гоёсон хүмүүс дунд

Алхсаар л, алхсаар л би

Амрагаасаа төөрөв.

Амьдын жаргалд бялуурсан хүмүүс дунд

Амьдарсаар л, амьдарсаар л би

Амьдралаас төөрөв.

            2009.10.16 Намрын дунд сарын шинийн арван долоон

Би уржигдар төрсөн

Өчигдөр үхчихлээ

Өнөөдөр диваажинд байна

Маргааш хаачих юм

Бүү мэд!

                2009.10.19

       Энэ дэлхийн хамгийн үнэтэй ус бол "эмэгтэй хүний нулиис". Тэр дундаа таны хайрладаг хүнийх бол бүр их үнэтэй.

       Миний хувьд хайртай ээж, найз охин хоёрын минь нулимс л юм даа.

       Тиймээс хайртай эмэгтэйчүүдийнхээ нулимсыг үзэлгүй хайрлаж байгаарай...

Шударга ёс миний нүдээр Шударга ёс бол хүний оршин байхтай ижил төрөлх чанар юм... Ш.Л.Монтескъё             Тиймээ... эх дэлхий дээрээ, эцэг тэнгэр доороо хүн ард бид аз жаргал, уйтгар зовлон сүлэлдсэн энгийн амьдралаараа өчигдөрийг үдэж, өнөөдрийг бүтээлцэж, маргаашийг угтсаар он цагийг үргэлжлүүлсээр...             Хүний амьдрал, амьдралын зорилго, зорилгын биелэлт тэгээд аз жаргал. Богинохон юм шиг авч сэтгэж, бүтээж чадсан хүнд богиноддоггүй ийм л хугацаа. Ер нь амжилт гэдэг амжиж бүтээхийг хэлнэ гэх эртний үг бий. Хүн юуны тулд амьдардаг вэ? Хариулт тун энгийн аз жаргалтай, сайхан амьдрахын тулд. Тэгвэл аз жаргал гэж юу вэ? Бас л энгийн хариулт - хүн өөрөө юуг аз жаргал гэж үзэж байна түүнийг л аз жаргал гэдэг. Өөрөөр хэлбэл байгаа зүйлдээ сэтгэл хангалуун байж чадвал аз жаргалтай байж чадна.
""Шударга ёс миний нүдээр" (дахин оруулав)" цааш унших »

   Хонгорзул сонин дээр энэ шүлэг гарсан байна. Би ер нь энэ хэддээ их хайргүй юмаа. Хаа нэгтээгээс л олох юм...

                              Мөрөөдмөөр гэвч мөрөөдлөөс чинь ч хол

                             Хүлээмээр гэвч хүлээлтээс чинь ч уртад

                           Итгэмээр гэвч итгэлээс чинь ч илүүд

                         Өчүүхэн гэвч өчүүхэнээс ч жижигхэн

                       Өөрт минь зориулсан орон зай байгаа гэдэгт

                     Мөрөөдлөөс, хүлээлтээс, итгэлээс ч илүү

                  Найдаж байна...

                               Бүхнээс хол, бүхнээс урт, бүхнээс илүү

                             Жижигхээн тэр орон зайд

                           Жинхэнэ хайрыг бүтээчихээд

                         Жил саруудын турш хамтдаа хорогдохыг хүсвэл

                       Хайрт минь чи яах вэ?

2009.09.5

  Унаад ургасан навчисын Урд төрлийнх нь тухай Уйтгарт үлгэрийг сонсож Удаан суулаа...
"Намрын ойд..." цааш унших »

Чамайг хүлээхэд

Цаг хугацаа удаан

Чамайг ирчихвэл

Цаг хугацаа дуусчихна

Битгий ирээрэй...

            Та ганцаарддаг уу? Их энгийн бас амархан асуулт санагдана... Хэрэв та ганцаараа байх дуртай, таныг хүмүүс сайн ойлгодоггүй бол тиймээ би ганцаарддаг гэж хариулах байх. Харин та нийтэч, байнга л хүмүүсийн дунд явдаг, хэнтэй ч хамаагүй зовлон жаргалаа хуваалцчихдаг нэгэн бол би  тийм амархан ганцаарддаггүй ээ гэх бий.             Гэхдээ жинхэнэ ганцаардал гэж юу вэ? Хэзээ хүмүүс жинхэнэ ганцаардлыг мэдэрдэг вэ? Яавал түүнийг даван туулж чадах вэ, эсвэл бүр яавал ганцаардалыг өөртөө урин дуудаж чадах вэ? Түүнд хэрэгтэй зүйл бий юу? гэх зэрэг олон олон асуултууд бидэнд бий.             Ингэхэд ер нь яг хэдийд, ямар үед ганцаардалыг бид мэдэрдэг юм бол? Гэртээ ганцаараа байхдаа юу, ганцаараа машин барьж явахдаа юу, сайхан ярилцаж нөхөрлөх хүнгүй болсон үедээ юу, эсвэл хайртай хүн тань дэргэд чинь байхгүй үед үү? Хүн болгон л өөр өөрийнхөөр бодож байгаа байх.             Гэвч ганцаардалыг арай өөрөөр мэдэрч, түүнийг ашигладаг хүмүүс бидэн дунд байдаг. Тэд ганцаардалыг өөрийнхөө уран бүтээлийг хурцлах хэрэгсэл болгон ашиглаж, чухам ганцаардлаас л маш торгон мэдрэмжүүдийг олж авдаг. Дотоод сэтгэлийн чандад хүрсэн гэх хүмүүс ууланд даяанчлан, цөлд мацаг барин байхдаа түүнд дөхсөн гэдэг. Үгүйдээ л өрөөндөө бүгэн сууж ямар нэгэн гэгээн зүйлд хүрэн гайхамшигтай мэдрэмж, сэтгэлгээний мөртүүд, уран зураг, уянгат сайхан аялгууг зохиосон нь илт. Ингээд бодохоор ганцаардал гэдэг хэрэгтэй хүндээ хэрэгтэй мэт санагдана. Гэвч миний хувьд үүнийг ганцаардах гэж үзэхгүй. Хүн угаас байгалийн шинж нь хүмүүсийн дунд байх эрмэлзэлтэй амьтан. Гэтэл тийм боломж байхгүй болсон үед дотоод сэтгэлдээ бусад хүмүүсийг өөрөө орлон, өөртэйгөө ойртож дотносдог. Ингэсэн үед хорвоог таних боломж илүү нээгддэг байх магадлалтай. Тэгээд ч дорнын их Дао "Ухаант хүн гэрээс гаралгүй хорвоог таньдаг" гэж сургадаг байх л даа. Үүнийг ганцаардал гэх нь утгагүй шүү дээ.
"Ганцаардал" цааш унших »

Тусч жаалхүү Жив жив маань надад энэ сайхан загварыг хийж өглөө... Түүнд чин сэтгэлээсээ баярлаж байгаагаа өөрийн хамгийн дуртай нэгэн шүлгээр уламжилж байна. Баярлалаа Жив живээ. Хамаг бүгдээр чамайг
Харааж нулимж байвч, тэнгэр шиг бай!
Хамгийн сайн хүмүүс гэж
Хашгирч ерөөж байвч, тэнгэр шиг бай!
"Жив живтээ баярлалаа" цааш унших »

   Омбудсмен гэж хэн бэ?

Омбудсмен гэх алба, түүний үүрэг, ач холбогдолын талаар нийтлэхийг хүссэн хүмүүст зориулав.

   "Омбудсмен" гэдэг нь англи хэлнээ орж ирсэн Скандинав гаралтай цөөн үгийн нэг юм. "Элч-төлөөлөгч" гэсэн утгатай бөгөөд анх "эзэн хааны элч" гэсэн утгатай үүсчээ. Сүүлдээ "Омбудсмен" нь тодорхой бүлэг болон хэсгийн гишүүдийн эрх ашиг, сонирхол хэрэгцээг илэрхийлж хамгаалсан хүн буюу байгууллага гэсэн утгатай болж агуулга нь баяжжээ.

"Омбудсмен гэж хэн бэ?" цааш унших »

   Уул нь би дандаа утга зохиол талын л юм бичнэ дээ хэмээн бодож байлаа. Гэхдээ юу ч бичиж магадгүй шүү гэсний хувьд тэс хөндлөн сэдвээр бичихээр боллоо.    Саяхан Бялзуух эгч эрх баригч хоёр намаас, С.Баярын засгийн газраас, УИХ - аас "амлалтын мөнгөө" нэхжээ. Өгнө гэсэн юмыг нэхэх нь зүйтэй л байх л даа. Гэхдээ бас нэхэхэд учир байна аа. Ер нь "Юманд учир, Суманд гичир" гэж бий гэдэг ард түмэн дээ бид ч уул нь...   За би энэ чиглэлээр номын дуу сонсож байгаа хүний хувьд хэдэн үг хэлье :
"Бялзуух эгчийн бичлэгт зориулав" цааш унших »

Сарны гэрэл дэхь сүүдрээ

Хүрэмнийхээ завсараар хараад

Салхины зүгт алхнам

Хүрэх эцсийн зогсоол бий үгүй

Алин болохыг санаа алдахаас

Өөрөөр хэзээ ч үл мэднэм

Дээшлэн дээшлэх бүртээ

Доошлон доошлон буйгаа

Хөлний доорхи зайгаар баримжаалнам

Чиний төлөө, өөр нэгэний төлөө

Чимээгүйрүү, нүргээнрүү хурдлан буйгаа

Нам гүмээс холдох бүртээ мэдэрнэм

Хэн нэгэн, ямар нэгэн учралыг тэврээд

Хэзээ нэгэн цагийг хүлээн суугааг

Салхины анираас сонсном...

Эргэх бүхэн эцэсгүй ч, төгсгөл зүгтээ

Эрчлэн эрчлэн яарнам...

                       2009.10.16