Навч унаж байна, өвөл болж дээ гэж бодох төдийхнөөр өдөр хоногийг өнгөрөөдөг хүмүүс л намайг юунаас ч илүүгээр тайвшируулдаг гэдэгт итгээрэй... Гёте ГҮҮР Нүдээ нээхэд би ямар нэгэн зүйлийн Эхэнд буй хэмээн сэтгэж Нүгэлт орчлонд эхлэлээс төгсгөлрүү Эргэлдэн, эрхлэлдэн одсон боловч
"ГҮҮР" цааш унших »

Амьдралыг би их гэнэнээр төсөөлдөг

Алдаатай зурчихсан ч тун дэгжин

Алтан жаазтай зураг гэж боддог.

Хүмүүс хараад баярлаад л, инээгээд л байдаг

Олж хараагүй нэгнээ огт хүн гэж үздэггүй

Харсан ч гэсэн мартсан бол азгүй амьтан болдог

Ийм нэг зурагны яг хажууд зогсоод

Инээж буй хүний их тод нүдэнд ч

Итгэчихсэн хэрнээ олж хараагүй хүнд ч

Зураг алдаатай гэх сэжим ч байхгүйг мэдэхээр

Зугтаачихмаар эсвэл яг эндээ зогсоод

Шоолоод л баймаар санагддаг.

            2010. 01.28

 

Байгалийн захиргаа юу Иргэний нийгэм үү?      2008 оны УИХ - ын сонгуулийн үеэр л дээ. Би тойрогтоо нэр дэвшиж буй гишүүнтэй хийсэн уулзалт дээр ингэж асуусан юм.    -  Манайх энэ байрны урд талын ТҮЦ - ийг ажиллуулдаг юм. Таны одоо хийх гээд байгаа ажил чинь манай ТҮЦ ажиллуулахаас өөр ажил уу, ав адилхан ажил уу? Хэрвээ та өөр гэж бодож байгаа бол яагаад өөр, адилхан гэж бодож байгаа бол яагаад адилхан талаараа хэлээд өгөөч? гэсэн юм.     - Манай хүн миний өмнөх хүний асуултанд их л нухацтай хариулж байгаад миний асуултыг "мартаад" дахин асуухад, Харин чи юу гэж бодож байна гээд муухай инээж билээ.      Нээрээ, ТҮЦ ажиллуулах эсвэл манай ахын гутал засах ажил, эрхэм УИХ - ын гишүүд, өөр төрийн болон улс төрийн албан хаагчидын гүйцэтгэх үүргээс өөр үү? Тийм бол яг юугаараа өөр вэ? Эсвэл адилхан уу, тийм бол яг яагаад адилхан бэ? гэсэн асуулт намайг их л бодолд оруулах боллоо.      Т.Хоббс, Ж.Ж.Руссо... нарын бичсэн,бодсоноор бол хүн байгалийн захиргаанд (төргүй байх үеийг хэлж байна) байх үед яагаад заавал төр хэмээх зүйл хэрэгтэй болсон бэ гэдгийг эхлээд гаргаж ирсэн байдаг.   Яагаад гэвэл :
"Байгалийн захиргаа юу Иргэний нийгэм үү?" цааш унших »

           Үнэгүй юм амьгүй. Шог найруулал гэхийн болуу             Цэцэрлэгт болсон яриа :              - Саяхан даа, манай монгол улс чинь аймаар мундаг байсан байхгүй юу. Одоо энэ лаг гээд байгаа Японыг чинь манай Монгол улс байлдаад ялж байсан байхгүй юу. Тэгээд тэр дайндаа оролцсон, дайсан урдаас нь буудаад л байхад оногддоггүй, мундаг ах нарыг "Улсын баатар" гэж нэрлэдэг байсан гэж өвөө надад хэлсэн.             - Битгий худлаа яриад бай чи, "Улсын баатар" гэдэг чинь чи бид 2ыг манай аав дагуулж явж үзүүлсэн, гарандаа нэг юм өргөчихсөн морьтой хүний хөшөөтэй газар 20 жилийн өмнө өлсөөд сууж байсан хүнийг хэлдэг гэж манай ах надад хэлсэн. Гэхдээ тэр хүнийг өлссөнөөс нь хойш 20 жилийн дараа "Улсын баатар" гэж дууддаг болж байгаа гэсэн.             - Өө, тэгээд аль нь үнэн юм бэ? Би уул нь "улсын баатар" больё гэж бодоод байсан юм. Тэгээд дайсантай байлдаад сум нь нэвтэрдэггүй хүмүүсийг тэгэж хэлдэг юм уу эсвэл, хөшөөний өмнө суугаад өлссөн хүмүүсийг тэгж нэрлэдэг юм уу?
"Үнэгүй юм амьгүй. Шог найруулал гэхүү дээ" цааш унших »

Галбирлаг моддоос

Хэлбэрлэг навчис унаж

Гашуун өнгөтэй тэнгэрээс

Танихгүй аялгуу урсана.

Хүлээсээр уулзсан өнөөдөр

Харийн хүн шиг аашилахад

Хүсэл минь яг тэнд...

Үхчихлээ...

                                                        2009.12.14

Ойлгохгүй юм даа ойлгохгүй юм хорвоо минь

Орчлонд жигтэй зүйлс хичнээн олон бэ

Орсон борооны норсон дуслууд

Онохгүй л юм даа өнөөх л хэсгийг

Хичнээн жил гээд ингэж л өнгөрч

Хэний зүүдэнд нүүдэллэж өдөр хоногийг барах вэ

Уйтгарлаад л алхах хуучин зам байвч

Уулзаад л одсон хүний үрийг би яах вэ

Ай, амьдрал л гээд амьдраад байхаас

Амьхандаа хичнээн их залхана вэ...

Харагдах бүхэн илт байвч

Хачирхах зүйл яасан олон бэ

Хамт байсан, хамт байгаагүй, хамт байх, хамт байхгүй

Хамт байгаа учрал бүхэнд талархан

Хамгийн гүн тийш алхсаар л явнам уу би...

                                             2009.12.07

 

  Газрын магнайнаас хөлөрч урссан Сэлэнгийн салаа тохой дээр
Гандсан намрын шаргал өдөр устай мушгиран одохыг харжээ суугаад
Ганц дуу чамд зориулан дуулж түүнийгээ тэнгэрийн цээлд нараар мэтгэн
Ганихан хорвоогийн өнгөн дээр бусдын зүрхэнд шигтгэн гэрэлтүүлэх болов би

"А.Эрдэнэ-Очир "Голын тохой дээр"" цааш унших »

           Хайртай... би ингэж бичээд бодол болон сууна. Чухам хайртай гэх энэ үг хичнээн ер бусын гайхалтай шидийг өөртөө хадгална вэ?
"ХАЙРТАЙ... гэж юу гэсэн үг вэ?" цааш унших »

             Өнөөдөр дэлхийн зах зээл дээр магадгүй алт,нефть... инфляциас ч илүү үнэ нь хором хормоор өсөн нэмэгдэж байгаа зүйл  бол "БОЛОВСРОЛ" болоод байгааг хэн хүнгүй мэднэ. Боловсрол гэдэг хүмүүний  амьдралд хичнээн их хэрэгтэйг ухамсарласан Монгол хүн бүхэн өнөөдөр үр хүүхдүүдээ боломж бололцооныхоо хэрээр суралцуулахыг хичээх болжээ. Гэвч олонхи залуусын хувьд  их дээд сургуульд суралцахад нь өндөр босго болдог "сургалтын төлбөр"-ийн бэрхшээлээс шалтгаалан боловсролтой болох хүсэл зорилгодоо хүрэхэд хүндхэн байгаа энэ үед зарим байгууллагуудаас оюутан залуучуудад боломж олгон "сургалтын тэтгэлэг" олгох буяны гараа сунгаж  байгаа билээ.
"Америк дахь “Sound essence” ТББ-ийнхан Монгол оюутнуудад тэтгэлэг олгож байна" цааш унших »

        Энэ блог нээгдээд 3 сарын нүүр үзэж буй билээ. Энэ хугацаанд цахим хамт олонтой болж, орж гарч уншиж байдаг олон сайхан найзуудтай болсон байна. Саяхан манай найз ах маань надад нэгэн шинэхэн загварыг хийж өглөө. Ноён ЧөлөөтЭр ах танд өөрийнхөө болон миний жижигхэн блогоор орж гарч байдаг бүх хүний өмнөөс баярлаж байгаагаа хүндэлж явдаг яруу найрагч Д.Урианхайн "Өчиг" шүлгээр дамжуулан уламжилж байгааг минь хүлээн авна уу? Баярлалаа... Орчлонд би олон ч биш, ганц ч биш Огторгуй дор үүрд ч биш, зуурд ч биш Хүн байтугай чулуу бууралтдаг хорвоод Хүслээ нөмөрч л жавар хаадаг нүцгэн хөөрхий
"Ноён ЧөлөөтЭр ах танд..." цааш унших »

Өвлийн модноос зүүгдсэн

Өчигдөрийн ганц навч

"Үнэн гэж байхгүй"

"Үнэн гэдэг чинь энэ байна" гэж

Өр өвдөм дуулна.

Харин чи

Өөрт чинь зохиогүй гоо үзэсгэлэнгээсээ

Яг одоо татгалзвал

Өнөөдөр би чамд дурлах л болно...

                       2009.11.21

Яг ингээд
Чам шиг хэн нэгэнийг хүлээгээд
Чимээгүй суумаар
Яг чинийх шиг
Нүүрлүүгээ орсон ширхэгхэн үсээ
Үлээгээд л хараад баймаар
"Чам шиг..." цааш унших »

     Тэрээр "Төсөөллийн өрөөнд" шилмэл, шинэ шүлгийн түүврээ гаргасан билээ. Энэ ном нь түүний яруу найргийн төрлөөр гаргасан 6 дахь ном нь байх гэж санаж байна.      Шинэ номноос таалагдсан шүлгээ оруулав. Ээж нь чамдаа өв болгон үлдээх ганцхан зүйл бий Энэ бол чиний минийх шиг халуун зүрх ***              ***
"Л.Өлзийтөгсийн шинэ номноос..." цааш унших »

Хайрт минь Орчлон өвөлд бэлтгээд Одод гэрлээ татаад л Сар хүртэл инээхээ болиод Модод дуугаа хурааж Шөнийн шувуудын нислэг ч Сэтгэлд хүрэхээ больж байна Энд өвөл болж байна Гэвч
"Хавраараа байна..." цааш унших »

Хайрт минь

Орчлон өвөлд бэлтгээд

Одод гэрлээ татаад л

Сар хүртэл инээхээ болиод

Модод дуугаа хурааж

Шөнийн шувуудын нислэг ч

Сэтгэлд хүрэхээ больж байна

Энд өвөл болж байна

"Тэнд хавраараа байгаа..." цааш унших »

Хайрлачихаад Хариу нэхдэггүй хонгор минь Хамгийн намуухан шөнийг ч Надгүй үдчихээд Хачин гүн санаа алдалтад минь
"Хариу нэхдэггүй хонгор минь..." цааш унших »

Өөрийнхөө тухай шүлэг бичээд Бичсэн цаасаа жижиглэж ураад Урсан цаасаа амандаа хийлээ Би амтагдахгүй байлаа
"Үнэнийг бичиж чадахгүй..." цааш унших »

Өглөөнийн нар аниргүйхэн мандаж байна. Би өглөөд хайртай, ганц би биш ер хүн бүхэн шинэ өглөөд хайртай байдаг гэж би боддог. Амьдрал нэгэн хэмнэлээр үргэлжилж, сайн муу, сайхан муухай хосолсоор эх дэлхийнхээ тэнүүн элгэн дээр хүн төрөлхтөн аж төрсөөр... Харин би чухам бид хаанаас ирж, юуны төлөө амьдран бас хаашаа явж одох тухай хуучны бодолдоо дарагдан энэ өглөөг угтлаа.

Бодох тусам бодол төрөх юм... Би хаанаас эхтэй вэ? Намайг хэн энэ дэлхийд хүн болгож төрүүлж өсгөсөн билээ? Миний амины эхлэл юу билээ? Тиймээ энэ бол миний "аав ээж" хоёр маань. Чухамдаа энэ хоёр маань байхгүй байсан бол "би" гэж байхгүй. Миний амьдралын эхнээс одоог хүртэл надад нөлөөлж, нөмөрлөж, өмгөөлж, хамгаалж ирсэн миний хоёр буурал. Бодох төдийд л уйлмаар санагдаж, би том хүн болсон гэх бардамнал маань хормын зуурт алга болж тэр хоёртоо нялх багынхаараа эрхэлмээр санагдах юм. Та надаас чиний амьдралд хэн хамгийн их нөлөөлсөн бэ гэж асуувал би яах аргагүй аав, ээж хоёр маань гэж хариулна.
"Миний амьдралд хамгийн их нөлөөлсөн хүн" цааш унших »

Эргэнэ, эргэнэ Эргээд л ирнэ Энэ л бодол Эндээ л орооцолдоно Нээрээ өчигдөрт би байлуу?
"Нэг цэг дээр" цааш унших »

Намайг үхчихвэл Хэрвээ би үхчихвэл Хэцүү байгаа дотрыг чинь Онгойлгохоор очноо...   Намайг үхчихвэл битгий зул асаагаарай ээжээ! Харин тэр шар тосоо, надад хийж өгдөг сайхан аагтай цайндаа самраад аавтай хуваагаад уучихаарай. Хүү нь үнэрийг нь мартахгүй ээ. (санаа алдав) Бас битгий уйлаарай! (уйлна гэдгийг нь мэдэж байна л даа) Гэхдээ л ингэж захимаар байна. Бас түүнийг минь ирэхээр миний өмнөөс хайртай гэж хэлээд үнсээд явуулаарай.   Хайрт минь, намайг үхчихвэл ээж аав хоёр дээр нэг очоорой, бас намайг ээж аав хоёртоо хайртай гэж хэлээрэй. Тэгээд цааш нь юуг ч чамдаа захиж чадахгүй нь. Бүхнийг хүссэнээрээ л хийгээрэй. (миний араас хурдан ирэх, өөрийгөө зовоохоос бусдыг) Мэдээж би үхчихвэл надтай холбоотой бүхэн нээлттэй бас хаалттай болно шүү дээ.
"Намайг үхчихвэл" цааш унших »